Da pievels, reginavels ed elements
Il retg stgir smanatscha e conquista cun sia armada da dragants adina dapli regiuns e pievels. Era ils uldauns vegnan catschai adina pli fetg a cantun. La suletta via da cumbatter il nausch ei da s’unir culs auters pievels e sperar silla forza dils elements. Il destin tarmetta il giuven uldaun Emalio sin viadi tier ils centaurs. In viadi nua che tut vegn auter che planisau…
Las duas scribentas han creau cun Emalio ina historia plein tensiun ed entretschau cun inschign divers pievels ed elements da fantasy. In cudisch cun ina fin raffinada che plai buca mo a fans da fantasy.